Tramp İranla uzunmüddətli müharibə istəmir, amma tez zamanda zərbə endirməyə hazırdır

“ABŞ Prezidenti Donald Tramp İranla uzunmüddətli müharibəyə qarşıdır, lakin lazım gələrsə, sürətli və qətiyyətli zərbə endirməyə hazırdır”.

presstvaz-ın xəbərinə görə, bu barədə NBC nəşri mənbələrə istinadən məlumat verib.

Bildirilir ki, ABŞ prezidenti bununla bağlı özünün milli təhlükəsizlik komandasına bildirib. Lakin mənbələrin dediyinə görə, prezidentin müşavirləri ABŞ-nin bir zərbə ilə İrandakı “rejimi devirə” biləcəyinə şübhə ilə yanaşırlar. Bundan əlavə, onlar, lazım gələrsə, İranın potensial aqressiv cavabını dəf etmək üçün ABŞ-lilərin regionda kifayət qədər qüvvəyə malik olduqlarına əmin deyillər.

Xatırladaq ki, 29 dekabr 2025-ci ildə İran rialı məzənnəsinin kəskin şəkildə düşməsi səbəbindən Tehranda tacirlər etiraz aksiyalarına başlayıblar. Dekabrın 30-da iğtişaşlara tələbələr də qoşulublar. İğtişaşlar əksər böyük şəhərlərə yayıldı. Yanvarın 2-də küçələrdə naməlum silahlı şəxslərin qrupları peyda olub və iğtişaşçılarla hüquq-mühafizə orqanları arasında silahlı toqquşmalar artıb.

İğtişaşlar yanvarın 8-də axşam pik həddə çatıb və bir uşaq da daxil olmaqla, ən azı 12 dinc sakin həlak olub. Hakimiyyət orqanları 25 hüquq-mühafizə orqanı əməkdaşının ölümü barədə məlumat verib. Tehran meri Əlirza Zəkani bildirib ki, iğtişaşçılar paytaxtda 25 məscidi yandırıblar, 26 banka, üç tibb mərkəzinə, 10 dövlət müəssisəsinə, 48 yanğınsöndürmə maşınına, 42 avtobusa və təcili yardım maşınına, eləcə də 24 mənzilə zərər veriblər. İran hakimiyyəti iğtişaşçıları terrorçu adlandırıb və iğtişaşlara görə məsuliyyəti İsrail və ABŞ-nin üzərinə qoyub.