Gələn ildən bəzi smartfon modelləri təhlükəsizlik yenilənməsi almayacaqlar – XƏBƏRDARLIQ

2026-cı ildə “Xiaomi”, “Redmi” və “Poco” brendləri altında buraxılmış bir çox smartfon rəsmi istifadə müddətinin başa çatması səbəbindən təhlükəsizlik yeniləmələrini almaq hüququnu itirəcək.

presstvaz bu barədə “MeNow” portalına istinadən xəbər verir.

“Xiaomi” modelləri arasında ilk olaraq “Xiaomi 12” və “Xiaomi12 Pro” flaqmanları 2026-cı ilin I rübündə təhlükəsizlik dəstəyindən məhrum olacaqlar. “Xiaomi 12X” və “Xiaomi 12 Lite” modelləri 2026-cı ilin martında, “Xiaomi 12T” və “Xiaomi 12T Pro” isə oktyabr ayında yeniləmələri dayandıracaq.

“Redmi Note 12 Pro+ 5G” və “Note 12 Pro 5G” üçün yeniləmələr 2026-cı ilin oktyabrında, “Redmi Note 12 5G” və “Note 12 4G” üçün isə 2026-cı ilin yazında dayandırılacaq.

“Poco” modelləri arasında “Poco F5” üçün dəstək 2026-cı ilin mayında, “Poco X5 Pro 5G” və “Poco X5 5G” üçün isə 2026-cı ilin birinci rübündə başa çatacaq.

Rəsmi dəstək bitdikdən sonra smartfonlar işləməyə davam edəcək, lakin təhlükəsizlik boşluqlarına dair yeniləmələr təqdim olunmayacaq.