Avropa Komissiyası “Google” servisinə qarşı araşdırmalara başladı

Avropa Komissiyası (AK) süni intellekt (Sİ) modellərini gücləndirmək üçün “YouTube” istifadəçilərindən və bir neçə sosial media platformasındakı şəxsi məzmundan istifadə etdiyinə görə “Google”a qarşı araşdırmalara başlayıb.

presstvaz TASS-a istinadən xəbər verir ki, bu barədə Brüsseldə keçirilən mətbuat konfransında Avropa Komissiyasının rəqabət məsələləri üzrə vitse-prezidenti Tereza Ribera bildirib.

“Google” kontent yaradıcılarına ədalətsiz şərtlər tətbiq etməklə axtarış alətləri bazarındakı dominant mövqeyindən sui-istifadə edir. O, öz onlayn kontentindən axtarış sorğusuna süni intellekt tərəfindən yaradılan cavabı – “Sİ İcmalı” xidmətini təqdim etmək üçün istifadə edir”, – Avropa komissarı bildirib.

O, sosial mediada və “YouTube”da kontenti Sİ tərəfindən istifadə edilən istifadəçilərin “heç bir kompensasiya almadıqlarını” vurğulayıb.

Əgər Avropa Komissiyası bu ittihamları Avropa rəqabət qaydalarının pozulması hesab edərsə, “Google” illik qlobal dövriyyəsinin 10%-dək cərimə ilə üzləşə bilər.