Azərbaycan ÜTT-yə üzv olmasına hazırlıq çərçivəsində növbəti addımlarını razılaşdırıb

Azərbaycanın Ümumdünya Ticarət Təşkilatına (ÜTT) üzv olmasına hazırlıq işləri üzrə Komissiyanın növbəti iclasında bu sahədə görülən işlər müzakirə edilib.

presstvaz xəbər verir ki, bu barədə iqtisadiyyat naziri Mikayıl Cabbarov “X” hesabında paylaşım edib.

“Azərbaycanın Ümumdünya Ticarət Təşkilatına üzv olmasına hazırlıq işləri üzrə Komissiyanın iclasında həmkarlarla birlikdə bu sahədə görülən işləri müzakirə etdik. Rəqabətqabiliyyətli yerli istehsalın inkişafı və ixrac imkanlarının genişləndirilməsi kimi istiqamətləri nəzərdən keçirərək təşkilata üzvolma prosesi çərçivəsində aparılan danışıqlarda atılacaq növbəti addımları qərarlaşdırdıq”, – paylaşımda bildirilib.

Azərbaycanın Ümumdünya Ticarət Təşkilatına (@wto) üzv olmasına hazırlıq işləri üzrə Komissiyanın iclasında həmkarlarla birlikdə bu sahədə görülən işləri müzakirə etdik.
Rəqabətqabiliyyətli yerli istehsalın inkişafı və ixrac imkanlarının genişləndirilməsi kimi istiqamətləri… pic.twitter.com/PqAMHuvtSA

— Mikayil Jabbarov (@MikayilJabbarov) December 5, 2025