Alimlər insanların normal bədən temperaturunun aşağı düşdüyünü bəyan ediblər

Amerikalı alimlərinin son araşdırmalarına görə, insanın normal bədən temperaturu 36,6-dan 36,4°C-ə düşüb.

presstvaz RMF-ə istinadən xəbər verir ki, mütəxəssislər normal bədən istiliyinin aşağı düşməsini həyat tərzi və sağlamlıq vəziyyətindəki dəyişikliklərlə əlaqələndiriblər. Bildirilir ki, son onilliklərdə xroniki infeksiyalar azalıb, mənzil şəraiti yaxşılaşıb, istilik və kondisioner daha çox yayılıb və bunlar temperaturun təsirini azaldır. Müasir dərman vasitələrinin və təkmilləşdirilmiş gigiyenanın rolu da qeyd olunur.

Alimlərin fikrincə, soyuqdan və istidən daha yaxşı qorunduğuna görə bədən artıq öz temperaturunu intensiv şəkildə tənzimləməyə ehtiyac duymur.

Mütəxəssislərin fikrincə, orta bədən istiliyində dəyişikliklər diaqnoza da təsir göstərir. Hazırda 38°C-dən yuxarı olan hərarət qızdırma hesab olunur, lakin yeni məlumatlar daha aşağı temperaturlarda belə vəziyyətlərin mümkün başlanğıcı sayılır.

Alimlər deyirlər ki, temperaturun aşağı düşməsi yaşayış şəraitinin yaxşılaşması ilə bağlı olsa da, bu tendensiyanın tam başa düşülməsi üçün əlavə araşdırmaya ehtiyac var.