UEFA Konfrans Liqası: “Samsunspor” yenə uduzmadı, “Şaxtyor” qalib gəldi

UEFA Konfrans Liqasının Liqa mərhələsinin dördüncü turunda 18 qarşılaşma keçirilib.

presstvaz xəbər verir ki, turnirdə məğlubiyyətin nə olduğunuj bilməyən “Samsunspor” (Türkiyə) səfərdə “Breydablik” (İslandiya) ilə üz-üzə gəlib.

Qonaqlar bu dəfə də uduzmayaraq, növbəti xallarını aktivlərinə yazdırıblar – 2:2.

Arda Turanın çalışdırdığı “Şaxtyor Donetsk” (Ukrayna) bu tur qələbəyə sevinib. Onun komandası səfərdə “Şemrok Rovers” (İrlandiya) üzərində qalibiyyət əldə edə bilib – 1:2.

Digər matçlarda aşağıdakı nəticələr qeydə alınıb:

“AZ Alkmaar” (Niderland) – “Şelburn” (İrlandiya) – 2:0;

“Hamrun” (Malta) – “Linkoln Red İmps” (Cəbəllüttariq) – 3:1;

“Lex” (Polşa) – “Lozanna” (İsveçrə) – 2:0;

“Omoniya” (Kipr) – “Dinamo Kiyev” (Ukrayna) – 2:0;

“Rakuv” (Polşa) – “Rapid” (Avstriya) – 4:1;

“Siqma Olomouts” (Çexiya) – “Selye” (Sloveniya) – 2:1;

“Slovan Bratislava” (Slovakiya) – “Rayo Valyekano” (İspaniya) – 2:1;

“Universitatya” (Rumıniya) – “Maynts” (Almaniya) – 1:0;

“Zrinski” (Bosniya və Herseqovina) – “Hekken” (İsveç) – 2:1.

“Aberdin” (Şotlandiya) – “Noa” (Ermənistan) 1:1;

“Drita” (Kosovo) – “Şkendiya” (Şimali Makedoniya) – 1:0;

“Fiorentina” (İtaliya) – “AEK Afina” (Yunanıstan) – 0:1;

“Yagelloniya” (Polşa) – KuPS (Finlandiya) – 1:0;

“Legiya” (Polşa) – “Sparta Praqa” (Çexiya) – 0:1;

“Riyeka” (Xorvatiya) – AEK (Kipr) – 0:0;

“Strasburq” (Fransa) – “Kristal Pelas” (İngiltərə) – 2:1.