Arktikada sürpriz: “Metan bombası” partlamaya bilər

Alimlər aşkar ediblər ki, Arktika torpaqlarında havadan metanı təmizləyən mikroblar bu qazı istehsal edərək qlobal istiləşməni sürətləndirən mikrobları sıxışdırır.

presstvaz xəbər verir ki, bu barədə “Communications Earth and Environment” jurnalında məqalə dərc edilib.

Məlumata görə, əbədi buzlaqların birbaşa üzərində yerləşən torpaq təbəqələrindəki mikroblar metabolizm üçün karbondan istifadə edir və onu metana çevirir. Metan isə qlobal istiləşməni gücləndirir. Əbədi buzlaqlar əridikcə daha çox karbon qazı buraxılır və bu da bəzən “metan bombası” adlanan istiləşmə effekti yaradır.

Lakin Arktika torpaqlarındakı mikroblara dair son araşdırma göstərir ki, bu “metan bombası” partlamaya bilər.

Alimlər Kanada, Qrenlandiya və Sibirdəki əbədi buzlaq torpaqlarında, eləcə də buzların əridiyi torpaqlarda yaşayan mikrobları araşdırıblar. Elm adamları Arktikada metan istehsal edən mikroblardan daha çox metan yeyən mikrobların ola biləcəyini aşkar ediblər. Bu o deməkdir ki, Arktika torpaqları effektiv şəkildə karbon uducusuna çevrilə bilər.