ABŞ-li nazir: “Ukraynanın vəziyyəti çox acınacaqlıdır”

“Ukrayna çox acınacaqlı vəziyyətdədir və hazırda sülh üçün ən münasib məqamdır”.

presstvaz “Financial Times”a istinadla xəbər verir ki, bunu ABŞ-nin ordu naziri Daniel Driskol bəyan edib.

Driskolun sözlərinə görə, Ukraynada sülh ABŞ Prezidenti Donald Trampa məhz indi lazımdır.

Nəşrin yazdığına görə, Tramp özü bildirib ki, Ukrayna lideri Volodimir Zelenski daha sərfəli sövdələşmə şərtləri əldə etmək üçün təzyiq göstərməyə çalışır. Lakin o, Zelenskinin mövqeyini əlverişsiz hesab edir.

Noyabrın 20-də Ukrayna Ali Radasının deputatı Aleksey Qonçarenko Donald Trampın sülh planının 28 bəndini dərc edib. Ukrayna rəsmiləri sənədi tənqid edərək, düzəlişlər edilmədən onu qəbulolunmaz hesab ediblər, halbuki Vaşinqton gözləyirdi ki, Ukrayna lideri Volodimir Zelenski sənədi noyabrın 27-dək imzalayacaq. Planda NATO-dan imtina, yeni sərhədlər, bufer zona, Ukrayna Silahlı Qüvvələri üçün məhdudiyyətlər və Rusiyanın dondurulmuş aktivlərindən istifadə kimi şərtlər nəzərdə tutulub.