“Formula-1” pilotları saxta izləyicilər sayəsində böyük pullar qazanırlar

“Formula-1″in ən yaxşı pilotları gəlirlərinin əhəmiyyətli bir hissəsini sosial media platformalarındakı reklam paylaşımlarından əldə edirlər.

presstvaz xəbər verir ki, bu barədə “Racing News 365” məlumat yayıb.

Məlumata görə, bu reklamların auditoriyası çox vaxt saxta izləyicilər hesabına təmin olunur.

Məsələn, 41.7 milyon izləyicisi olan yeddiqat dünya çempionu Lyuis Hemilton hər sponsorlu paylaşım üçün 100 302 funt sterlinq qazanır. Lakin onun auditoriyasının 28%-ni 11.6 milyon bot hesabı təşkil edir. Beləliklə də, bu gəlirin 27 924 funt sterlinq dəyərindəki hissəsini pilot saxta izləyicilər hesabına əldə edir.

Onun komanda yoldaşı Şarl Lekler 3.37 milyon saxta hesablar (15.93%) sayəsində hər paylaşım üçün əlavə 8 143 funt sterlinq gəlir əldə edir.

“Red Bull” pilotu Maks Ferstappenin bot auditoriyası 18.63% təşkil edir və ona əlavə 7 502 funt sterlinq qazandırır.

“Aston Martin” pilotu Fernando Alonso isə saxta izləyicilərin faizinə görə liderlik edir. Onun auditoriyasının 34.55%-i botlardır.