DÇ-2026-nın seçmə mərhələsi: Portuqaliya uduzdu, Fransa, İtaliya, İngiltərə qalib gəldilər

2026-cı ildə keçiriləcək dünya çempionatının seçmə mərhələsində səkkiz qarşılaşma baş tutub.

presstvaz xəbər verir ki, Azərbaycan millisi ilə eyni qrupda qərarlaşan Fransa və Ukrayna yığma komandaları üz-üzə gəliblər.

D qrupunun matçında Fransa millisi rəqibini 4:0 hesabı ilə darmadağın edib. Bu nəticə ilə fransızlar dünya çempionatına birbaşa vəsiqəni təmin ediblər.

F qrupunda keçirilən İrlandiya – Portuqaliya matçında gözlənilməz nəticə qeydə alınıb. Belə ki, ev sahibləri meydandan qalib ayrılblar – 2:0. Kriştianu Ronaldu matçın 59-cu dəqiqəsində birbaşa qırmızı vərəqə alıb.

Mundialın final mərhələsinə vəsiqəni təmin etmiş İngiltərə millisi K qrupunda Serbiyanı hesabla məğlub edib – 2:0.

I qrupunda Moldova millisi doğma meydanda qəbul etdiyi İtaliya yığma komandasına son dəqiqələrdə buraxdığı qollarla uduzub – 0:2.

Digər görüşlər qeydə alınmış nəticələri təqdim edirik:

Azərbaycan – İslandiya – 0:2;

Ermənistan – Macarıstan – 0:1;

Norveç – Estoniya – 4:1;

Andorra – Albaniya – 0:1.