Azərbaycanda Super Ay hadisəsi müşahidə olundu

Azərbaycanda Super Ay hadisəsi müşahidə olunub.

presstvaz xəbər verir ki, hadisə noyabrın 5-i saat 17:10-da başlayıb və noyabrın 6-ı saat 08:10-da başa çatıb.

Ayın Yerə ən çox yaxınlaşması isə noyabrın 5-dən 6-a keçən gecə saat 02:30-da müşahidə edilib.

Super Ay hadisəsi zamanı Ay adi tam Aydan təxminən 8 faiz böyük və 16 faiz parlaq olub.

Ayın Yerdən məsafəsi 356 832 km təşkil edib.

Qeyd edək ki, Super Ay hadisəsinin insanlar üçün heç bir təhlükəsi yoxdur. Sadəcə Ay Yerə yaxınlaşdıqca, onun cazibə qüvvəsi okean və dəniz səviyyələrinə daha çox təsir edir. Bu, adi haldan 3-5 sm-ə qədər daha yüksək su səviyyəsinə səbəb ola bilər.

Xatırladaq ki, Ayın Yerə maksimal yaxınlaşması (perigey) 1912-ci il yanvarın 4-də baş verib və bu zaman məsafə 356 375 km olub. Sonrakı illərdə ən çox yaxınlaşma 1948-ci il yanvarın 26-da 356 508 km, 2016-cı noyabrın 14-də 356 509 km, 2018-ci il yanvarın 1-də 356 565 km olub. Növbəti maksimal yaxınlaşma ilə (356 447 km) Super Ay hadisəsi 2034-cü il noyabrın 25-də baş verəcək.