Donald Tramp Hindistan-Pakistan münaqişəsini necə həll etdiyindən danışdı

“Modi görünüşcə xoş adamdır, zahiri baxımdan xeyirxah ataya bənzəyir, amma o, son dərəcə amansız qatildir”.

presstvaz xəbər verir ki, ABŞ Prezidenti Donald Tramp bu sözləri ATEC sammitindəki çıxışı zamanı Hindistan-Pakistan münaqişəsini necə həll etdiyindən danışarkən səsləndirib.

“Gəlin, müharibə məsələsinə qayıdaq, bu, çox önəmlidir. Gəlin, Hindistan və Pakistanı götürək. Mən Hindistanla ticarət sazişi bağlayırdım. Bildiyiniz kimi, Baş nazir Modiyə böyük hörmətim və rəğbətim var, münasibətlərimiz əladır. Eynilə Pakistanın Baş naziri Məhəmməd Şahbaz Şəriflə, o da əla insandır.

Mən onların hər ikisini tanıyıram. Onlar iki nüvə dövlətidir və onlar həqiqətən savaşa gedirdilər. Mən Baş nazir Modiyə zəng etdim. Dedim ki, biz sizinlə ticarət sazişi bağlaya bilmərik. O dedi: “Yox-yox, biz ticarət sazişi bağlamalıyıq”. Dedim: “Yox, bağlaya bilmərik. Siz Pakistana qarşı müharibəyə başlayırsınız. Biz bunu etməyəcəyik”.

Sonra Pakistana zəng etdim. Dedim: “Biz sizinlə ticarət etməyəcəyik, çünki siz Hindistanla müharibə edirsiniz”. Bilirsiniz ki, bunlar iki nüvə dövlətidir. Onlar dedilər: “Yox, yox, yox, siz bizi savaşmağa qoymamalısınız”. Hər ikisi belə dedi. Onlar savaşırdılar. Sizə deyim ki, onlar möhkəm adamlardır.

Baş nazir Modi görünüşcə çox xoş adamdır. O, elə yumşaq danışır və zahirən də atanız kimi görmək istədiyiniz adama bənzəyir, amma o, qatildir, özü də son dərəcə amansızdır. O dedi: “Yox, biz savaşacayıq”. Dedim: “Vau, axı bu tanıdığım həmin o adamdır. Amma iki gün sonra, – onlar yaxşı adamlardır, – zəng edib dedilər: “Biz başa düşürük” və döyüş əməliyyatlarını dayandırdılar. Sizcə, necə oldu? Məgər heyrətamiz olmadımı? Sizcə, Bayden bunu edərdimi? Mən belə düşünmürəm”, – deyə ABŞ prezidenti söyləyib.