Gənclərdə ürək xəstəlikləri: Alimlər sağlam qalmağın yollarını araşdırıblar

Okt 25, 2025 16:28 (UTC +04:00)

presstv

"Presstv"az #ABŞ, #Araşdırma, #Audi, #Həkim, #Sağlamlıq, #Siqaret, #Təhsil

Son xəbərlər, Azərbaycanda və Dünyada ən aktual hadisələr "Presstv".az Azərbaycan Xəbər Portalı “Global Media Group”a daxil olan "Presstv".az Azərbaycan xəbər portalı 2023-cü ilin 16 Oktyabr- dan fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir. "Presstv".az 24 saat ərzində, Azərbaycan Türk Rus və İnglis dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır. Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün "Presstv".az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.

Amerikalı alimlər ürək xəstəliklərindən əziyyət çəkən gənclərin sayının çoxalmasının səbəblərini araşdırıblar.

presstvaz “The Conversation” nəşrinə istinadən xəbər verir ki, 18-25 yaş arasındakı dövr təhsil almaq, işləmək, yeni əlaqələr qurmaq və yetkinliyə daxil olmaq kimi ilk mühüm qərarların verildiyi vaxtdır.

Həkimlər xəbərdarlıq edir ki, bu illər ərzində çoxları ürək sağlamlığına xələl gətirən vərdişləri inkişaf etdirməyə başlayırlar. Elektron sağlamlıq qeydlərinə görə, son 15 ildə 40 yaşdan aşağı amerikalılarda ürək-damar xəstəliklərinə tutulma halları iki dəfədən çox, siqaret çəkənlər arasında isə üç dəfə artıb.

Bununla belə, gənclərin əksəriyyəti hələ də infarkt və hipertoniyanın “yaşlı nəslin” xəstəlikləri olduğuna inanırlar.

Alimlər iddia edir ki, xəstəliyin əsas səbəbi aterosklerozdur – qan damarlarının divarlarına yağ və xolesterinin çökməsi.

Araşdırmalara görə, ürək sağlamlığı 17 yaşından etibarən pisləşməyə başlayır. Bu yaşdan etibarən qan təzyiqi, yuxu, qidalanma və fiziki fəaliyyət göstəriciləri tədricən mənfiyə doğru dəyişir.

Nikotin ən təhlükəli amillərdən biri hesab olunur, qan damarlarını zədələyir, infarkt riskini artırır.

Artıq çəki ilə bağlı statistika da eyni dərəcədə narahatedicidir: 25 yaşa qədər hər beş nəfərdən birinin bədən kütləsi indeksi artıq 30-dan yuxarıdır. Proqnozlara görə, 35 yaşa qədər gənclərin təxminən 60 faizi artıqçəkili olacaq.

ABŞ Ürək Assosiasiyası ürək sağlamlığına təsir edən səkkiz əsas amili müəyyən edib. Onlardan dördü davranış xarakterlidir: müntəzəm fiziki fəaliyyət, siqareti tərgitmək, kifayət qədər yatmaq (7-9 saat) və balıq, giləmeyvə və tərəvəz ilə balanslaşdırılmış pəhriz.

Digər dördü sağlamlıq göstəriciləridir: qan təzyiqi, şəkər səviyyəsi, xolesterin və bədən kütləsi indeksi. Gənclər arasında bu göstəricilərdən üçü son illərdə xeyli pisləşib.

Kardioloqlar vurğulayırlar ki, qan təzyiqini və şəkəri yoxlamaq, siqaretdən imtina etmək, piyada gəzmək, “fast-food” əvəzinə evdə bişirilmiş yeməklər yemək kiçik qərarlar kimi görünə bilər, lakin bunlar gələcəkdə insan sağlamlığını formalaşdıran qərarlardır.