Bu il ölkəyə gələn əcnəbilərin sayı azalıb

2025-ci ilin yanvar-sentyabr aylarında Azərbaycan Respublikasına 1 milyon 948.2 min əcnəbi və vətəndaşlığı olmayan şəxs daxil olub ki, bu da ötən ilin müvafiq dövrü ilə müqayisədə 1.8% azdır.

presstvaz rəsmi statistikaya istinadən xəbər verir ki, ötən illə müqayisədə ən çox artım Tacikistandan (1.9 dəfə), İsraildən (1.8 dəfə), Yaponiyadan (1.6 dəfə), Çindən (1.5 dəfə) və İordaniyadan (1.5 dəfə) müşahidə olunub. Həmçinin Qırğızıstan (35.7%), Özbəkistan (31.6%), Qazaxıstan (19.4%), ABŞ, Kanada və Niderland (hər biri 16.3%), Almaniya (15.2%), Pakistan və İtaliya (hər biri 15.1%), Koreya Respublikası (10.3%) üzrə artım qeydə alınıb.

Gələnlərin ölkələr üzrə payı belə olub: Rusiya Federasiyası – 24.8%, Türkiyə – 17.1%, İran – 7.9%, Hindistan – 6.8%, Səudiyyə Ərəbistanı – 4.5%, Gürcüstan – 4.2%, Qazaxıstan – 4.0%, Pakistan – 3.4%, Çin – 2.6%, Özbəkistan və İsrail – hər biri 2.3%, BƏƏ – 1.6%, Ukrayna – 1.4%, Türkmənistan və Küveyt – hər biri 1.2%, Belarus – 1.1%, qalan 13.6% digər ölkələrdən gəlmişdir. Gələnlərin 66.3%-i kişilər, 33.7%-i qadınlar təşkil edib.

2024-cü ilin yanvar-sentyabr ayları ilə müqayisədə Avropa İttifaqı ölkələrindən gələnlərin sayı 8.5% artaraq 88.8 min nəfər, körfəz ölkələrindən gələnlərin sayı 4.9% azalaraq 321.1 min nəfər, MDB ölkələrindən gələnlərin sayı 7.2% enərək 669.8 min nəfər, digər ölkələrdən gələnlərin sayı isə 3.1% artaraq 868.5 min nəfər təşkil edib.