UEFA Çempionlar Liqası: “İnter” və “Mançester Siti”dən səfər qələbələri

UEFA Çempionlar Liqasının Liqa mərhələsində üçüncü turun oyunları keçirilib.

presstvaz xəbər verir ki, üçüncü turun ilk oyun günündə keçirilən doqquz qarşılaşma çərçivəsində “Royal Union” – “İnter” və “Vilyarreal”- “Mançester Siti” görüşləri xüsusi maraqla qarşılanıb.

“Keramika” stadionunda “şəhərliləri”i qəbul edən “Vilyarreal” güclü rəqibinə məğlub olub – 0:2. İngiltərə təmsilçinin qollarını Erlinq Holanda və Bernardu Silva vurublar.

“İnter” isə səfərdə Belçikanın “Royal Union” klubundan aşkar üstün olub – 0:4. Darmadağınla qalib gələn Milan təmsilçisindən qol müəllifləri Denzel Dumfris, Lautaro Martines, Hakan Çalhanoğlu (penaltidən) və Françesko Espozito olublar.

Turun digər oyunlarında aşağıdakı nəticələr qeydə alınıb:

“Barselona” – “Olimpiakos” – 6:1;

“Kayrat” – “Pafos” – 0:0;

“Arsenal” – “Atletiko Madrid” – 4:0;

“Bayer Leverkuzen” – PSJ – 2:7;

“Kopenhagen” – “Borussiya Dortmund” – 2:4;

“Nyukasl Yunayted” – “Benfika” – 3:0;

PSV – “Napoli” – 6:2.

Qeyd edək ki, turun oyunlarına oktyabrın 22-də yekun vurulacaq.