Alimlər xərçəngdən ölümün əsas səbəbini tapdılar

Xərçəngdən ölümün əsas səbəbi metastaz ( xərçəngin əsas şişindən digər orqan və toxumalara yayılması ) deyil.

presstvaz xəbər verir ki, Texas Universitetinin Cənub-Qərb Tibb Mərkəzinin alimləri aşkar ediblər ki, xərçəngdən ölümün əsas səbəbi şişlərin böyük qan damarlarına nüfuz etməsidir.

Tədqiqat nəticələri "Nature Medicine" jurnalında dərc olunub.

Tədqiqatçılar Dallas klinikalarında vəfat etmiş 100-dən çox xəstənin sağlamlıq məlumatlarını analiz edib. Bundan əlavə, 31 ağır xəstənin hospisdə vəziyyəti izlənilib.

Alimlər müşahidə ediblər ki, çoxsaylı xəstələrdə xərçəng şişləri aşağı boş ven, portal vena, qaraciyər venaları və qarın aortası kimi böyük damarları tutub. Həyatlarının son həftələrində xəstələrin qanında dövran edən şiş hüceyrələrinin sayı kəskin artıb.

Şişlərin damarları zədələməsi və trombların yaranması qan dövranını pozur, nəticədə həyati orqanlar sıradan çıxır. Bu, əvvəlki fikirləri, yəni ölümün əsas səbəbinin metastazlar olduğu nəzəriyyəsini şübhə altına alır.

Alimlər əlavə təsdiq üçün Almaniyadakı 1200-dən çox xərçəng xəstəsinin KT (kompüter tomoqrafiyası) nəticələrini araşdırıblar. Çoxlarında damar infiltrasiya əlamətləri aşkar edilib.

Tədqiqat müəllifləri vurğulayır ki, xərçəngin müalicəsində böyük damarların yanında yerləşən şişlərə xüsusi diqqət yetirilməlidir. Cərrahi və ya radiasiya müalicəsi bu şişlərin yaratdığı komplikasiyaları azalda və sağ qalma şansını artıra bilər.