TƏBİB-dən Sabunçu Tibb Mərkəzinin direktor müavinin işdən çıxarılmasına MÜNASİBƏT

Tibbi Ərazi Bölmələrini İdarəetmə Birliyi (TƏBİB) Sabunçu Tibb Mərkəzinin direktorunun inzibati işlər üzrə müavininin işdən azad olunması məsələsinə münasibət bildirib.

Qurumdan presstvaz-a verilən məlumatda bildirilir ki, həmin şəxs işdən azad olunmaqla, digər vəzifəyə təyin olunub:

“Yusif Şirinov 16.09.2025-ci il tarixində Ağciyər Xəstəlikləri Mərkəzinin inzibati işlər üzrə direktor müavini vəzifəsinə təyin olunub.

Bu barədə TƏBİB-in İcraçı direktoru Vüqar Qurbanov müvafiq əmr imzalayıb”.

Qeyd edək ki, Y.Şirinov yeni təyinatınadək Sabunçu Tibb Mərkəzinin inzibati işlər üzrə direktor müavini kimi fəaliyyət göstərib.

10:46

Sabunçu Tibb Mərkəzində daha bir vəzifəli şəxs işdən çıxarılıb.

presstvaz-ın məlumatına görə, bu barədə Tibbi Ərazi Bölmələrini İdarəetmə Birliyinin (TƏBİB) icraçı direktoru Vüqar Qurbanov əmr imzalayıb.

Əmrə əsasən, Sabunçu Tibb Mərkəzinin inzibati işlər üzrə direktor müavini Yusif Şirinli tutduğu vəzifədən azad olunub.

Xatırladaq ki, bir neçə gün öncə Sabunçu Tibb Mərkəzinin baş həkimi İlahə Şükürova da tutduğu vəzifədən azad edilib.