Qəbələdə maşın iki qadını vurdu – Yaralıların vəziyyəti açıqlandı

Qəbələ şəhərində baş verən yol-nəqliyyat hadisəsi zamanı xəsarət alan şəxslərin son vəziyyəti açıqlanıb.

presstvaz-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) bildirilib ki, oktyabrın 11-i, saat 08:00-da Qəbələ rayonu ərazisində baş verən yol-nəqliyyat hadisəsi səbəbi ilə iki nəfər (qadın cinsli) Qəbələ Rayon Mərkəzi Xəstəxanasının Təcili tibbi yardım şöbəsinə hospitalizasiya olunublar.

“1963-cü il və 1996-cı il təvəllüdlü şəxslərə çanaq sümüklərinin sınığı, bədənin müxtəlif nahiyələrinin əzilmiş, sıyrılmış yaraları və travmaları diaqnozları təyin olunub, zəruri tibbi xidmətlər göstərilib.

Vəziyyəti ağır qiymətləndirilən 1963-cü il təvəllüdlü pasiyentin müalicəsi Reanimasiya şöbəsində davam etdirilir. 1996-cı il təvəllüdlü şəxsin müalicəsi Təcili tibbi yardım şöbəsində davam etdirilir, vəziyyəti stabildir”, – deyə məlumatda vurğulanır.

11:00

Qəbələ şəhərində piyadaların vurulması ilə nəticələnən yol-nəqliyyat hadisəsi baş verib.

presstvaz-ın əldə etdiyi məlumata görə, hadisə bu gün saat 8:00-da qeydə alınıb.

H.Aslanov küçəsi ilə hərəkətdə olan Rəşan İlkin oğlu Zeynalov idarə etdiyi “Hyundai” markalı avtomobillə yolu keçən iki piyadanı vurub.

İsmayıllı sakinləri olan piyadalar xəstəxanaya yerləşdiriliblər.