Narkotik ittihamı üzrə saxlanılmış İrem Derici: “Canımı küçədə tapmamışam”

Türkiyədə İstanbul Baş Prokurorluğu tərəfindən narkotik və ya stimullaşdırıcı maddə istifadəsi iddiası ilə başladılan istintaq çərçivəsində saxlanılan və müəyyən prosedurlardan sonra sərbəst buraxılan müğənni İrem Derici məsələ ilə bağlı mətbuat konfransı keçirib.

presstvaz bu barədə “Haber Türk” telekanalına istinadən xəbər verir.

İfaçı mətbuat konfransı zamanı heç bir ittihamı qəbul etmədiyini bildirib:

“Saç və qan nümunələrini verdim. Hər ehtimala qarşı başqa bir xəstəxanada da saç və qan nümunələri verəcəyəm. Məgər mən karyerarımı narkotik bəlası ilə riskə atacaq qədər axmağam? Bu karyera üçün çox zəhmət çəkmişəm. Canımı küçədə tapmamışam. Lazım gələrsə, o təmiz nəticələri məhəllə-məhəllə gəzib sizinlə paylaşacağam”.

Xatırladaq ki, İstanbul Baş Prokurorluğu narkotik və ya stimullaşdırıcı maddələrdən istifadə ittihamı üzrə İrem Derici, Kubilay Aka, Kaan Yıldırım, Hadise Açıkgöz, Berrak Tüzünataç, Duygu Özaslan, Demet Evgar, Meriç Aral, Özge Özpirinçci, Mert Yazıcıoğlu, Feyza Altun, Derin Talu, Deren Talu, Ziynet Sali, Birce Akalay, Dilan Polat, Engin Polat, Metin Akdülger ve Ceren Moray barəsində istintaq başladıb. İstintaq çərçivəsində şübhəlilər ifadələrinin alınması üçün İstanbul Jandarm Komandanlığına aparılıb. Onlardan həmçinin saç və qan nümunələri götürülüb. İfadələri alındıqdan sonra onlar sərbəst buraxılıblar.