Presstvaz Xronikası: Vətən müharibəsinin on birinci günü

Ordumuzun irəliləyişi davam edir – yeni kəndlər azad olundu

       presstvaz xatırladır ki, Vətən müharibəsinin on birinci günü – 7 oktyabr 2020-ci il – Azərbaycan Ordusunun cəbhənin müxtəlif istiqamətlərində uğurlu əməliyyatlarla yadda qaldı.

       Bu gün ərzində Cəbrayıl, Füzuli və Zəngilan istiqamətlərində planlı hücum əməliyyatları həyata keçirilib, düşmənin müdafiə xətləri yarılıb. Ordumuz bir neçə kəndi və mühüm strateji yüksəklikləri azad edib.

       Azərbaycan Ordusunun artilleriya və raket bölmələri düşmənin mövqelərinə dəqiq zərbələr endirərək onun hərbi texnikasını və canlı qüvvəsini sıradan çıxarıb. Ermənistan ordusu bu gün ərzində ciddi itkilər verib və geri çəkilməyə məcbur olub.

       Prezident, Müzəffər Ali Baş Komandan İlham Əliyev həmin gün xalqa müraciətində ordumuzun qələbə yürüşünü belə dəyərləndirmişdi:

       “Azərbaycan Ordusu öz torpaqlarında ədaləti bərpa edir. Biz bu yoldan dönməyəcəyik və torpaqlarımızı azad edəcəyik.”

        Cəbhə bölgəsində aparılan döyüşlərlə yanaşı, Ermənistan tərəfi yenə də yaşayış məntəqələrimizi atəşə tutmaqla mülki əhaliyə qarşı cinayətlər törədib. Lakin bu təxribatlar Azərbaycan xalqının iradəsini sarsıda bilməyib.

       Ölkə daxilində və diaspor təşkilatları arasında birliyimiz daha da güclənib, xalqımız “Qarabağ Azərbaycandır!” şüarı ilə orduya dəstəyini davam etdirib.

       44 gün davam edən müharibənin bu mərhələsi də Azərbaycan Ordusunun qəhrəmanlıq salnaməsində xüsusi yer tutur.

Rəşad  CƏFƏRLİ,

Mənbə: Presstv.az – Azərbaycan xəbər portalı

presstvaz – Azərbaycanın etibarlı informasiya mənbəyi.