Uşaq bağçasının işçiləri qəzaya düşdü: 7 qadın…

10:47

Qaxda istirahətdən qayıdan uşaq bağçasının işçiləri yol qəzasına düşüb.

presstvaz APA-ya istinadən xəbər verir ki, hadisə ötən gün axşam saatlarında Qax-İlisu avtomobil yolunun Qaxbaş kəndi ərazisindən keçən hissəsində baş verib.

Rayonun İlisu kəndindən Qax şəhəri istiqamətində hərəkətdə olan sərnişin daşıyan mikroavtobus idarəetmədən çıxaraq yolun kənarındakı işiq dirəyinə çırpılıb.

Qəza zamanı mikroavtobusda olan rayonun Qum kənd sakinləri 65 yaşlı Xanpəri Osman qızı Nurməmmədova, 64 yaşlı Məryət Omar qızı İsaqova, 64 yaşlı Qalya Şakir qızı Sultanova və daha hələki şəxsiyyətləri məlum olmayan 3 nəfər müxtəlif dərəcəli bədən xəsarətləri alıblar.

Yaralılar Qax Rayon Mərkəzi Xəstəxanasının (RMX) Təcili və Təxirəsalınmaz Tibbi Yardım şöbəsinə yerləşdiriliblər. Qəzada xəsarət alan şəxslərin hamısı Qax rayonu Qum kənd körpələr evi və uşaq bağçasının işçiləridir.

Faktla bağlı Qax rayon Polis Şöbəsində araşdırma aparılır.

***

Qax rayonunda baş vermiş yol qəzasında xəsarət alanların vəziyyəti açıqlanıb.

TƏBİB-dən bildirilib ki, dünən saat 22:20 radələrində Qax rayonunda baş verən yol-nəqliyyat hadisəsilə səbəbilə 7 nəfər (qadın) Qax Rayon Mərkəzi Xəstəxanasına hospitalizasiya olunub.

"Müxtəlif bədən xəsarətləri alan şəxslərin hər birinə zəruri tibbi yardım göstərilib və ambulator müalicə üçün evə buraxılıblar", – məlumatda vurğulanıb.