Tailand Kambocanı münaqişə zamanı süni intellektdən istifadədə ittiham etdi

Tailand hakimiyyəti Kambocaya qarşı hərbi uğurların saxta fotolarını yaratmaq üçün süni intellektdən istifadə etdiyinə görə sərt ittiham irəli sürüb.

presstvaz-ın “Thairath”a istinadən verdiyi xəbərə görə, bu bəyanat iki ölkə sərhədində vəziyyətin gərginləşməsi fonunda verilib.

(function () {window._ttzi = 161; var adv_161_iad = document.createElement(“script”);adv_161_iad.src = “https://newmedia.az/nativevideo/get_ads.js?v=” + new Date().toJSON().slice(0,10).replace(/-/g,’.’);adv_161_iad.async = true;(document.body || document.head || document.documentElement).appendChild(adv_161_iad);adv_161_iad.onload = function(){adv_161_iad.parentNode.removeChild(adv_161_iad);}})();

İttihamlara səbəb Kamboca sosial şəbəkələrində və hərbçilər arasında Tailandın vurulmuş “F-16” qırıcısını əks etdirən görüntünün yayılması olub. Tailand tərəfi bu məlumatı qəti şəkildə təkzib edərək bildirib ki, patrulda olan altı döyüş təyyarəsinin hamısı təhlükəsiz şəkildə bazaya qayıdıb.

Tailand-Kamboca sərhədində vəziyyətin idarə olunması üzrə xüsusi mərkəzin nümayəndəsi Cirayu Huanqsapın sözlərinə görə, bu görüntü süni intellektin köməyi ilə yaradılmış aşkar saxtakarlıqdır. O, belə xəbərlərin Kamboca ordusunda əhvali-ruhiyyəni yüksəltmək üçün yaradıldığını bildirib.

Davam edən qarşıdurma fonunda Tailand hakimiyyəti Buriram, Surin, Sisaket və Ubonraçathani də daxil olmaqla sərhəd əyalətlərindən mülki insanları təxliyə edir.