Moskvada terror qruplaşması ukraynalı polkovnikin qətlinə görə məsuliyyəti öz üzərinə götürdü

Rusiyada jurnalistlər “The Base” qruplaşmasına bağlı olduğu iddia edilən “Telegram” kanalında Ukrayna xüsusi xidmət orqanının zabiti İvan Voroniçin Kiyevdə həyətində güllələnməsinin sadəcə başlanğıc olduğu barədə xəbər tapıblar.

presstvaz xəbər verir ki, bu barədə Echofm.online məlumat yayıb.

Bu təşkilat ABŞ-də keçmiş amerikalı hərbçi Rinaldo Nazzaro tərəfindən yaradılıb və bütün dünyada şəbəkələrə malikdir. Son aylarda təşkilat Ukraynada qətllər və mühüm infrastruktur obyektlərinə hücum etməyə razı olan hər kəsə pul təklif edib. Eyni zamanda, Nazzaro Kremlə işləməkdə ittiham olunur. Bundan əvvəl jurnalistlər bu adamın rus qadınla evli olduğu və Sankt-Peterburqda yaşadığı barədə məlumat tapmışdılar.

Nazzaro özü müxbirlə söhbətində Voroniçin qətlində iştirakını inkar edib. Bir müddət əvvəl amerikalı “The Base”in Ukrayna qanadının fəaliyyətini açıq şəkildə təqdir edib.

Keçən aprel ayında bu qrupun üzvləri Ukraynanın Zakarpatye bölgəsində tamamilə fərqli etnodövlət yaratmaq məqsədilə üsyan elan ediblər. Ukrayna qanadının hesabları, ehtimal ki, Ukrayna ərazisində törədilmiş təxribat videolarını sistematik şəkildə paylaşıb. Nəşrin antiterror fəaliyyəti ilə bağlı həmsöhbətləri hesab edirdilər ki, “The Base”in Ukrayna qanadı bu cür cinayətlərin sifarişçisi ola bilər.

Xatırladaq ki, İvan Voroniç iyulun 10-da güllələnib. Daha sonra Ukraynada onun aradan qaldırılmasında iştirak etməkdə şübhəli bilinən iki Azərbaycan vətəndaşı saxlanılarkən öldürülüb.