Gəncədə gənclər arasında bıçaqlanma hadisələri artıb

Gəncədə son iki ayda gənclər arasında bıçaqlanma hallarının sayı ciddi şəkildə artıb. Bu hadisələr cəmiyyətin gələcəyi üçün ciddi narahatlıq yaradır.

presstvaz xəbər verir ki, bu gün 2007-ci il təvəllüdlü Rüfət Xəlilov aldığı bıçaq xəsarətləri ilə xəstəxanaya yerləşdirilib.

Onun vəziyyəti ağırdır və hələlik hadisənin səbəbi məlum deyil.

Bu, son iki ayda Gəncədə baş verən bıçaqlanma hadisələrindən yalnız biridir.

İyunun 5-də 2010-cu il təvəllüdlü yeniyetmənin öz sinif yoldaşını bıçaqlaması gənclər arasında şiddətin artdığını göstərən daha bir nümunədir.

May ayının 17-də 18 yaşlı gəncin bıçaqlanmasında şübhəli bilinən həmyaşıdı saxlanılıb. Həmin ayın 25-i 1998-ci il təvəllüdlü M.Əliyev də bıçaq xəsarəti ilə xəstəxanaya yerləşdirilib.

Son iki ayda baş verən bu hadisələr göstərir ki, gənclər arasında münasibətlər, psixoloji və sosial gərginliklər daha da pisləşib. Həmyaşıdların bir-birini bıçaqlaması isə cəmiyyətin gələcəyi üçün ciddi təhlükə yaradır.