Kürdəmirdə qadının qətlində şübhəli bilinən həyat yoldaşı saxlanıldı – Prokurorluqdan AÇIQLAMA

İyunun 28-də saat 20 radələrində Kürdəmir rayonunun Şilyan kəndində qəsdən adam öldürülməsinə dair rayon prokurorluğuna məlumat daxil olub.

presstvaz-ın   xəbərinə görə, bu barədə   Kürdəmir Rayon Prokurorluğundan bildiriblər.

Qeyd olunub ki, araşdırmalarla 1986-cı il təvəllüdlü Elşən Abdulovun Kürdəmir rayonunun Şilyan kəndində yerləşən yaşadığı evdə 1990-cı il təvəllüdlü Samirə Abdulovanı bıçaqla xəsarət yetirməklə qəsdən öldürməsinə əsaslı şübhələr müəyyən edilib.

Elşən Abbasov rayon prokurorluğu tərəfindən şübhəli şəxs qismində tutulub.

Faktla bağlı Kürdəmir Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq ibtidai istintaq aparılır.\0xu.az/

09:13

Kürdəmirdə 35 yaşlı qadın qətlə yetirməkdə şübhəli bilinən həyat yoldaşı saxlanılıb.

presstvaz   xəbər verir ki, faktla bağlı Kürdəmir Rayon Prokurorluğunda araşdırmalara başlanılıb.

Qeyd edək ki, rayonun Şilyan kənd sakini, 1986-cı il təvəllüdlü Elşən Abdulağa oğlu Abdulov ailə münaqişəsi zəminində həyat yoldaşı, 1990-cı il təvəllüdlü Samirə Mahir qızı Abdulovanı bıçaqlayaraq öldürüb.

00:06

Kürdəmirdə 35 yaşlı qadın qətlə yetirilib, həyat yoldaşı şübhəli bilinir.

presstvaz   “Report”a istinadla xəbər verir ki, hadisə rayonun Şilyan kəndində qeydə alınıb.

Bildirilir ki, rayonun Şilyan kənd sakini, 1986-cı il təvəllüdlü Elşən Abdulağa oğlu Abdulov ailə münaqişəsi zəminində həyat yoldaşı, 1990-cı il təvəllüdlü Samirə Mahir qızı Abdulovanı bıçaqlayaraq öldürüb.

Hadisə yerinə rayonun hüquq-mühafizə orqanlarının əməkdaşları cəlb olunublar. Qadının meyiti ərazidən götürülərək aidiyyəti üzrə təhvil verilib.

Qətlin səbəbləri araşdırılır.