Emin Ağalarov: “Plyuşenko çempionlar yetişdirəcəyinə söz verib”

Azərbaycanın Xalq artisti, iş adamı və müğənni Emin Ağalarov Azərbaycanda fiqurlu konkisürmə idmanına marağı niyə yüksəltmək qərarına gəldiyini, bu səbəbdən buz sarayı və digər idman obyektləri tikməyə başladığını açıqlayıb.

presstvaz xəbər verir ki, bu barədə o, “RİA Novosti Sport”a danışıb.

Ağalarov ikiqat olimpiya çempionu Yevgeni Plyuşenko və həyat yoldaşı, prodüser Yana Rudkovskaya ilə dostluğu nəticəsində bu işə başladığını bildirib.

“Yana Rudkovskaya və Yevgeni Plyuşenko ilə tanışlığımdan və yaxın dostluğumdan sonra onlar məni hokkeyçilər və fiqurlu konkisürənlərin məşq etməsi üçün qurduqları buz meydançasına və arenalara dəvət etdilər.

Getdim, baxdım və xidmət səviyyəsinə, onların təmsil etdiyi konsepsiyaya çox təəccübləndim. Biz düşündük ki, Azərbaycanda da buna bənzər bir şey tikmək, bura tribunaları da əlavə etmək yaxşı olardı. Bu, orada təkcə beynəlxalq yarışların deyil, həm də Yananın iştirak etdiyi şouların keçirilməsinə imkan verəcək.

Yevgeni də öz növbəsində, real gələcək çempionlar yetişdirəcəyinə söz verdi. Mən onun bu işdə iştirakını çox istərdim. Bu, Azərbaycan və Rusiya arasında qarşılıqlı fəaliyyətin daha bir sahəsidir”, – iş adamı qeyd edib.