Pomidorun tərkibindəki bu maddə xərçəng yaranmasının qarşısını alır

Elm adamlarının apardığı tədqiqatlara görə, pomidorun tərkibindəki “likopen” adlı piqment ümumi xərçəngə tutulma riskini və xüsusilə ağciyər xərçəngindən ölmə ehtimalını azaldır. Bu təbii maddə pomidora qırmızı rəngini verən və güclü antioksidant xüsusiyyətləri olan bir piqmentdir.

presstvaz xəbər verir ki, tədqiqatlar göstərir ki, “likopen” hüceyrə zədələnməsini azaldaraq orqanizmi xərçəngə qarşı qoruyur və xərçəng hüceyrələrinin inkişafını ləngidir. Xüsusilə, tütün istifadəçilərində və ağciyər xəstəliyi riski yüksək olan insanlarda pomidor və digər “likopen”-lə zəngin qidaların müntəzəm istehlakı xərçəngin qarşısını almağa kömək edə bilər.

Pomidorun tərkibindəki bu güclü maddə həmçinin ürək-damar sağlamlığını qorumağa, dəriyə fayda etməyə və ümumi immuniteti gücləndirməyə də kömək edir. Araşdırmalar göstərir ki, pomidor və pomidor əsaslı məhsulların müntəzəm istifadəsi xərçəngin bir çox növünün inkişaf riskini azaldır.

Buna görə də, gündəlik pəhrizdə pomidorun və pomidor məhsullarının yer alması sağlam həyat tərzini dəstəkləmək üçün tövsiyə olunur. Təbii və sağlam qidalarla zəngin bir pəhriz xərçəngdən qorunmağın ən təsirli yollarından biridir.

Tehran Tibb Elmləri Universitetinin alimləri pomidorun tərkibindəki “likopen” adlı piqmentin xərçəng riskini azaldan terapevtik təsirlərini müəyyən ediblər. Alimlər bu mövzu ilə bağlı əvvəlki dövrlərdə dərc edilmiş 121 araşdırmanı təhlil edərək “likopen”in terapevtik effektivliyini qiymətləndiriblər.

Tədqiqat nəticəsində məlum olub ki, likopenin yüksək istehlakı ümumi xərçəng riskinin əhəmiyyətli dərəcədə azaldılması ilə əlaqələndirilir. Pəhrizlərində yüksək miqdarda likopen olan iştirakçılar xərçəngdən ən yaxşı şəkildə qorunublar. Alimlər likopen istehlakı ilə prostat xərçəngi riskinin azalması arasında güclü bir əlaqə tapıblar. Bundan əlavə qanda likopenin yüksək səviyyədə olması ağciyər xərçəngindən ölüm riskini də azaldır.

Tədqiqatçılar bildiriblər ki, pomidor və digər “likopen”-lə zəngin qidaların müntəzəm istehlakı xərçəngin qarşısını almağa və orqanizmi qorumağa kömək edir. Bu nəticələr xüsusilə xərçəngə qarşı mübarizə aparan insanlara və sağlam həyat tərzi yaşamağa çalışanlara böyük tövsiyə edir. Pomidoru gündəlik pəhrizdə artırmaq təkcə xərçəngin qarşısını almağa deyil, həm də ümumi sağlamlığı yaxşılaşdırmağa kömək edə bilər. /milli.az