Yaşayış zonalarında parklanma çətinliyi: Optimal həll nədir?

Yasamal rayonu ərazisində bir neçə ünvanda eyni mənzərə müşahidə olunur: avtomobil sayı çox, lakin parklama yeri azdır. Xüsusilə çoxmərtəbəli binaların həyətlərində park etmə mədəniyyətinin olmaması uşaqlar üçün nəzərdə tutulan oyun meydançalarının və istirahət zonalarının daralmasına, bəzən isə avtomobillərə zərər dəyməsinə səbəb olur.

Əsas problemlərdən biri də parklama yerlərinin çatışmazlığı və mövcud qarajların yüksək qiymətlərlə təklif olunmasıdır. Sakinlər məcbur qalıb avtomobillərini binanın qarşısında, uşaq meydançalarının yanında, hətta giriş-çıxış yollarında saxlayırlar.

Nəqliyyat məsələləri üzrə ekspert Aslan Əsədov bildirir ki, bina tikintisi zamanı qaraj yerlərinin nəzərdə tutulması mütləq olmalıdır:

“Əgər bina inşa edilirsə, onun altında və ya yaxınlığında qaraj tikilməlidir ki, sakinlər ətraf əraziləri parklanma üçün zəbt etməsinlər. Bu, tikinti şirkətlərinə müvafiq qurumlar tərəfindən bir öhdəlik kimi qoyulmalıdır”.

Ekspertin fikrincə, problemin həlli yalnız cərimələrlə deyil, şəhərsalma strategiyasına uzunmüddətli və davamlı yanaşma ilə mümkündür. O, ərazi üzrə bələdiyyələrin bu məsələyə təcili müdaxilə etməsinin vacibliyini vurğulayıb.

Ətraflı Baku TV-nin süjetində: