ABŞ-də bir şəhərin bütün əhalisi eyni binada yaşayır

ABŞ-nin Alyaska ştatının Vitter şəhərinin əhalisi cəmi 257 nəfərdir və onların hamısı “Vəhşi Qüllə” adlanan binada yaşayır.

presstvaz   “Knife Media”ya istinadən xəbər verir ki, bu kompleksin daxilində polis bölməsi, poçt, supermarket, camaşırxana və uşaq meydançası mövcuddur.

Uşaqlar məktəbə evdən çıxmadan, yaşayış binası ilə birləşmiş xüsusi tunel vasitəsilə gedirlər.

“Vəhşi Qüllə” soyuq müharibə illərində əsgərlər üçün kazarma kimi inşa olunub. Daha sonra bina Alyaska Dəmiryolunun əməkdaşları tərəfindən istifadə edilib.

Hazırda kompleks kondominium formatında fəaliyyət göstərir. Bu, mənzillərin fərdi sahiblərə, ümumi əmlakın isə bütün sakinlərə məxsus olduğu bir mülkiyyət formasıdır.

Binanın maraqlı xüsusiyyətlərindən biri şəhərin qalan hissəsinə dörd kilometrlik tunellə bağlı olmasıdır. Tunelin girişi kottec formasındadır və gecə saat 22:00-dan səhər 05:00-a kimi bağlı olur.

Vitter ətrafını sıldırım dağlar və su ilə əhatə edən unikal bir yaşayış məkanıdır. Şəhəri tərk etməyin bu tuneldən başqa yolu yoxdur, bu isə onu həm coğrafi, həm də sosial baxımdan fərqli bir “həyat vahəsi”nə çevirir.