ABŞ-nin seçilmiş prezidenti Donald Tramp ölkənin hazırkı lideri Co Baydenin oğlu Hanter Baydeni əfv etməsini kəskin tənqid edib.
presstvaz-ın verdiyi məlumata görə, o, bu barədə özünün “Truth Social” sosial şəbəkəsində yazıb.
Tramp kiçik Baydenin əfv edilməsini ədalət mühakiməsinin pozulması və sui-istifadəsi adlandırıb.
“Co tərəfindən verilən əfv illərdir həbsdə olan 6 yanvar girovlarını (Kapitoliyə hücum edənləri – Red.) da əhatə edirmi?” – deyə o soruşub.
Xatırladaq ki, dekabrın 1-də Co Bayden oğlu Hanteri iki cinayət işi üzrə əfv edib. Prezident qeyd edib ki, Hanterin işinə bənzər hallar adətən daha yumşaq tədbirlərlə həll olunur, lakin onun konqresdəki rəqibləri bu ittihamlardan Baydenin prezidentliyinə qarşı istifadə ediblər. O oğlunun yalnız siyasi təzyiq səbəbindən hədəfə çevrildiyini vurğulayıb.
Xəbərlərimizi
kanalımızdan da izləyə bilərsiniz.
