“Haber Global” Azərbaycan Prezidenti İlham Əliyevin BƏƏ-yə səfəri ilə bağlı videosüjet hazırlayıb

Azərbaycan Prezidenti İlham Əliyev diplomatik danışıqların aparılması üçün Birləşmiş Ərəb Əmirliklərinin (BƏƏ) paytaxtı Əbu-Dabiyə səfər edib. İlham Əliyev hava limanında BƏƏ Prezidenti Məhəmməd bin Zayed Al Nəhyan tərəfindən mərasimlə qarşılanıb.

presstvaz-ın xəbərinə görə, “Haber Global” “YouTube” kanalı səfərlə bağlı videosüjet hazırlayıb.

“Azərbaycan Prezidentinin şərəfinə hərbi kontingent yaradılıb və mərasimdən sonra iki lider eyni nəqliyyat vasitəsində hava limanından yola düşüb. Avtomobili Al Nəhyan idarə edib. Daha sonra İlham Əliyev və Al Nəhyan arasında təkbətək görüş baş tutub. Görüşdə Azərbaycan və Birləşmiş Ərəb Əmirlikləri arasında münasibətlərin strateji tərəfdaşlıq əsasında inkişaf etdiyi vurğulanıb, siyasi, iqtisadi, enerji, mədəni və humanitar sahələrdə əməkdaşlığın artmasından məmnunluq ifadə edilib.

Sammitdə, həmçinin iki ölkənin Əbu-Dabidə keçirdiyi “Sülh Qalxanı – 2026″ birgə təlimi də müzakirə olunub. Təlimin iki ölkənin silahlı qüvvələri arasında koordinasiyanı gücləndirdiyi qeyd edilib.

Görüşdən sonra İlham Əliyev və Al Nəhyanın iştirakı ilə enerji sektoru üzrə müqavilə imzalanıb. Bundan əlavə, iki ölkənin müdafiə nazirlikləri arasında əməkdaşlığa dair niyyət məktubuna da imza atılıb”, – deyə materialda bildirilib.

Daha ətraflı videosüjetdə: