Bu adaya hamı vizasız girə bilər – Ən gözəl çimərliklər oradadır

Sakit okeanının qərbində, Fransadan beş dəfə böyük əraziyə səpələnmiş 600-dən çox adadan ibarət gizli bir cənnət var – Mikroneziya Federal Dövlətləri.

presstvaz xəbər verir ki, vətəndaşlar bu adalara hava limanında verilən viza ilə 30 günə qədər səfər edib qalmaq imkanı əldə edirlər.

Mikroneziya dörd əyalətdən ibarətdir: Yap, Chuuk, Pohnpei və Kosrae.

Ölkənin cəmi 105 min əhalisi var, amma vizasız giriş siyasəti sayəsində dünyanın ən açıq ölkələrindən biri kimi tanınır.

1986-cı ildə müstəqillik qazanan Mikroneziya, qısamüddətli səfərlər üçün demək olar ki, bütün ölkələrin vətəndaşlarına vizasız giriş imkanı verir.

Səyyahlar sadəcə pasport və geri dönüş bileti ilə ölkəyə daxil ola bilirlər.

ABŞ vətəndaşları ölkədə müddətsiz qala bilər.

Digər ölkə vətəndaşları isə 30 günə qədər “hava limanında viza” ilə qalmaq hüququna malikdirlər. Daha uzun qalmaq istəyənlər immiqrasiya idarəsinə müraciət etməlidirlər.

Mikroneziya ağ qumlu çimərlikləri, şəffaf suları və toxunulmamış təbiəti ilə əsl açıq hava kartpostalını xatırladır.

Ən diqqətçəkən yerlərdən biri Nan Madol adlı qədim şəhərdir – bu məkan UNESCO-nun Dünya İrsi Siyahısına daxildir və “Pasifikin Venesiyası” kimi tanınır. Qədim şəhərin heç bir müasir texnologiya olmadan tikilməsi onun sirrini bu günə qədər qoruyur.

Başqa bir məşhur məkan – Chuuk Lagünü, II Dünya Müharibəsi dövründə batırılan 50-dən çox gəmi və 250 təyyarə qalıqları ilə dünyanın ən böyük dalış nöqtələrindən biri sayılır.

Mikroneziyanın iqtisadiyyatı əsasən balıqçılıq, dövlət sektoru və turizmə söykənir.

Ölkə iqlim dəyişikliyinə qarşı “Blue Prosperity Micronesia” layihəsi vasitəsilə okean ehtiyatlarını qorumağı hədəfləyir.

Pohnpei adası “Mikroneziyanın gizli xəzinəsi” kimi tanınır, Yap adasına gələn turistlərin sayı isə 2024-cü ilin ilk 8 ayında demək olar ki, iki dəfə artıb.

Mikroneziyaya birbaşa uçuş yoxdur. Avropadan səfər etmək istəyənlər adətən Guam və ya Honolulu üzərindən uçurlar.

United Airlines-ın “Island Hopper” adlı uçuş xətti 1968-ci ildən bəri Guam ilə Havay adaları arasında Mikroneziya adalarını birləşdirən yeganə müntəzəm hava marşrutu olaraq fəaliyyət göstərir.

presstvaz