Avropa 2024-cü ildə ABŞ-dən rekord həddə silah alıb

Avropa ölkələrinin ABŞ silahlarını alış həcmi 2024-cü ildə rekord həddə – 76 milyard dollara çatıb.

presstvaz-ın “Bruegel” analitik mərkəzinin araşdırmasına istinadən verdiyi məlumata görə, son illərdə müdafiə xərclərinin artması Avropanın ABŞ silahlarından asılılığını daha da gücləndirib.

Tədqiqatın müəllifləri 2008-ci ildən bəri “Foreign Military Sales” proqramı üzrə sövdələşmə barədə 1179 bildirişi təhlil ediblər. Sənəddə qeyd olunur ki, yalnız 2022-2024-cü illər arasında NATO-nun Avropa İttifaqı üzvlərinin xərclərinin təxminən yarısı (50.7%) ABŞ-dən tədarükün payına düşüb. Ekspertlər qeyd edir ki, 2019-2021-ci illərdə bu göstərici təxminən 28% təşkil edib.

Avropanın asılılığı xüsusilə hava hücumundan müdafiə sistemləri, raketlər və qırıcı təyyarələr kimi yüksək texnologiyalı avadanlıqlar, eləcə də əlavə avadanlıqlar baxımından əhəmiyyətlidir. Hesabatın müəllifləri xəbərdarlıq edirlər ki, bu vəziyyət Vaşinqtona Avropaya təsir göstərmək üçün ciddi təsir imkanları verir ki, bu da təkcə müdafiə sahəsində deyil, həm də ticarətdə istifadə oluna bilər.