11 Oktyabr 2020 — Gəncə faciəsi: Ermənistanın raket hücumu nəticəsində mülki itkilər və dağıntılar

Gəncə göylərdən gələn ölümün hədəfi olmuşdu

       presstvaz xatırladır ki… 2020-ci il 11 oktyabr — Vətən müharibəsinin 15-ci günü Azərbaycan tarixində ağır bir səhifə kimi yadda qaldı. Həmin gecə Ermənistan Silahlı Qüvvələri “Skad-B” tipli taktiki ballistik raketlərlə Gəncə şəhərini atəşə tutdu.

       Rəsmi məlumatlara görə, bu hücum nəticəsində 10 nəfər mülki şəxs həlak olub, 40 nəfər yaralanıb. Həlak olanlar arasında qadınlar və uşaqlar da var idi. 31 yaşayış binası tamamilə dağıldı, çoxsaylı evlər və mülki obyektlər yararsız hala düşdü.

  Bu hadisə beynəlxalq hüququn və Cenevrə Konvensiyasının ciddi şəkildə pozulması kimi qiymətləndirildi.

       presstvaz Azərbaycan xəbər portalının əməkdaşları həmin gecə Gəncədə hadisə yerində olaraq baş verənləri birbaşa müşahidə etmiş, dağıntıların miqyası və xilasetmə işləri barədə operativ məlumatları dərhal xalqımıza çatdırmışdı.

       Gəncə sakinləri o dəhşətli gecəni unuda bilmir. Partlayış səsləri, dağılan evlər, uçan şüşələr və köməyə tələsən insanlar… Lakin bu ağrı içində Gəncənin iradəsi sınmadı. Sakinlər bir ağızdan belə deyirdilər:

       Bu sözlər şəhərin hər küçəsində, avtomobillərin üzərində və insanların dillərində səslənirdi. Gəncəlilər mərdliklə bildirirdilər ki, düşmənin bu hücumları bizi qorxuda bilməz — biz torpağımızı qoruyacağıq!

Rəsmi mənbələrin məlumatına əsasən:

• Hücum nəticəsində 10 nəfər həlak olmuş, 40 nəfər yaralanmışdır;

• 31 mənzil tamamilə dağıdılmış, çoxsaylı ev və infrastruktur ciddi zərər görmüşdür;

• Həlak olanlar arasında 5 qadın, yaralananlar arasında 6 uşaq və 16 qadın var idi;

• Bu, Gəncəyə qarşı həyata keçirilən dördüncü ağır raket hücumu idi.

       presstvaz xatırladır:  Vətən müharibəsinin 15-ci günündə Gəncəyə endirilən bu hücum dinc əhalinin iradəsini sarsıtmaq məqsədi daşıyırdı, lakin nəticə tam əksinə oldu — Azərbaycan xalqının birliyini və ordusuna inamını daha da gücləndirdi.

O gecə Gəncə ağrı və qürurla birləşdi.
       presstvaz olaraq biz o anların şahidi idik, hadisə yerlərindən operativ məlumatları çatdırdıq və bu gün də — o faciəvi gecənin xatirəsini yaşatmaq üçün xalqımızla bir yerdəyik.

Şəhidlərimizin xatirəsi daim qəlbimizdə yaşayacaq.

Rəşad  CƏFƏRLİ,

Mənbə: Presstv.az – Azərbaycan xəbər portalı

presstvaz  – Azərbaycanın etibarlı informasiya mənbəyi.