Presstvaz Xronikası: Vətən müharibəsinin on üçüncü günü

Azərbaycan Ordusu irəliləyişini davam etdirir – Ermənistan tərəfi atəşkəsə razılıq verir

       presstvaz xatırladır ki, 2020-ci il oktyabrın 9-da – Vətən müharibəsinin on üçüncü günündə Azərbaycan Ordusu döyüş əməliyyatlarını uğurla davam etdirib. Cəbhənin Füzuli-Cəbrayıl istiqamətində aparılan əməliyyatlar nəticəsində bir sıra kəndlər və mühüm yüksəkliklər azad edilib.

       Azərbaycan Ordusu düşmənin xeyli sayda canlı qüvvəsini, eləcə də hərbi texnikasını məhv edib. Qarşı tərəf itkilər verərək mövqelərini tərk etməyə məcbur olub. Ordumuzun hücum əməliyyatları nəticəsində Füzuli istiqamətində yeni müdafiə xətti qurulub və strateji üstünlük əldə edilib.

       Eyni zamanda, həmin gün Moskva şəhərində Azərbaycan və Ermənistan xarici işlər nazirlərinin Rusiya Federasiyasının vasitəçiliyi ilə görüşü keçirilib. Görüşdə humanitar atəşkəsin elan olunması barədə razılıq əldə olunub. Lakin atəşkəsin elan edilməsinə baxmayaraq, Ermənistan tərəfi sonradan bu öhdəliyə əməl etməyib və növbəti günlərdə yenidən mülki yaşayış məntəqələrimizi atəşə tutub.

Prezident İlham Əliyev həmin gün verdiyi açıqlamada bildirib:

“Azərbaycan sülhə hər zaman açıqdır, lakin sülh yalnız işğala son qoyulduqdan sonra mümkündür.”

       Vətən müharibəsinin bu mərhələsi həm diplomatik, həm də hərbi baxımdan mühüm əhəmiyyət daşıyırdı. Ordumuzun əldə etdiyi hər bir qələbə, xalqın birliyi və inamı ilə birgə daha böyük zəfərə aparan yolun təməlini qoyurdu.

Rəşad  CƏFƏRLİ,

Mənbə: Presstv.az – Azərbaycan xəbər portalı

“Presstv”az – Azərbaycanın etibarlı informasiya mənbəyi.